U19 World Cup - ટીમ ઇન્ડિયા આફ્રિકાને હરાવી 9મી વખત ફાઇનલમાં

U19 World Cup – ટીમ ઇન્ડિયા આફ્રિકાને હરાવી 9મી વખત ફાઇનલમાં

અંડર 19 વિશ્વકપમાં ભારતીય ટીમ ફાઇનલમાં પહોંચી ગઇ છે. જે કામ ટીમ ઇન્ડિયા નથી કરી શકી તે અંડર 19ની ટીમ કરશે તેવી આશા. દક્ષિણ આફ્રિકા દ્વારા આયોજિત અંડર-19 વર્લ્ડ કપ 2024માં ભારતીય ટીમે શાનદાર પ્રદર્શન કર્યું છે અને ફાઇનલમાં પ્રવેશ કર્યો છે. સેમિફાઇનલ મેચમાં તેણે યજમાન આફ્રિકાને 2 વિકેટથી હરાવ્યું હતું. ભારતીય ટીમ 9મી વખત ફાઇનલમાં પહોંચી છે.

આ સેમિફાઇનલ મંગળવારે (6 ફેબ્રુઆરી) બેનોનીમાં રમાઈ હતી. મેચમાં ટોસ હાર્યા બાદ આફ્રિકન ટીમે પ્રથમ બેટિંગ કરીને 245 રનનો ટાર્ગેટ આપ્યો હતો. જેના જવાબમાં ભારતીય ટીમની શરૂઆત ખૂબ જ ખરાબ રહી હતી. ટીમે 32 રનમાં 4 વિકેટ ગુમાવી દીધી હતી.

પરંતુ તે પછી સચિન ધસ અને સુકાની ઉદય સહરાને પાંચમી વિકેટ માટે 187 બોલમાં 171 રનની ભાગીદારી કરીને ટીમનો કબજો સંભાળી લીધો હતો. કમનસીબે સચિન પોતાની સદી પૂરી કરી શક્યો ન હતો. છઠ્ઠા નંબર પર બેટિંગ કરતા સચિને 95 બોલમાં 96 રનની ઇનિંગ રમી હતી.

આ દરમિયાન તેણે 1 સિક્સ અને 11 ફોર ફટકારી હતી. જ્યારે સુકાની સહારાને 124 બોલમાં 81 રનની શાનદાર ઇનિંગ રમીને ટીમને જીત તરફ દોરી હતી. આફ્રિકા તરફથી ફાસ્ટ બોલર ટ્રિસ્ટન લુસે 3 અને ક્વેના માફાકાએ 2 વિકેટ ઝડપી હતી.

આ પહેલા મેચમાં આફ્રિકાની ટીમે 7 વિકેટે 244 રન બનાવ્યા હતા. ટીમ તરફથી વિકેટકીપર બેટ્સમેન લુઆન-ડ્રે પ્રિટોરિયસે સૌથી વધુ 76 રનની ઇનિંગ રમી હતી. જ્યારે રિચર્ડ સેલેટ્સવેને 64 રન બનાવ્યા હતા. બોલિંગમાં ભારતીય ટીમ તરફથી ઝડપી બોલર રાજ લિંબાણીએ 3 અને સ્પિન ઓલરાઉન્ડર મુશીર ખાને 2 વિકેટ ઝડપી હતી.

તમને જણાવી દઈએ કે અત્યાર સુધી ભારતીય ટીમે સૌથી વધુ 5 વખત અંડર-19 વર્લ્ડ કપનો ખિતાબ જીત્યો છે. જ્યારે તે ત્રણ વખત ફાઇનલમાં હારી ચૂક્યો છે. આ રીતે ભારતીય ટીમ હવે 9મી વખત ફાઇનલમાં પહોંચી છે. જ્યારે બીજી તરફ દક્ષિણ આફ્રિકા 2014માં માત્ર એક જ વખત ચેમ્પિયન બન્યું હતું. જ્યારે તે બે વખત ફાઇનલમાં હારી ચૂક્યો છે. આફ્રિકાની ટીમ પાસે ચોથી વખત ફાઇનલમાં પહોંચવાની તક હતી, પરંતુ તે હારી ગઈ.